6. BİRGƏ RAZILAŞMA və HAKİMİYYƏT
6.
BİRGƏ RAZILAŞMA və HAKİMİYYƏT
Biz BİRGƏ RAZILAŞMA əsasında, həmin razılaşmanın tələblərini
qorumaq məqsədilə, bizə xidmət edən bir mexanizm yaratdıq və ona DÖVLƏT dedik.
Təbii ki, DÖVLƏTlə onu yaradan Mən, Sən və Onun arasında münasibətləri tənzimləmək
üçün Ana Qanunu (Konstitusiya) qəbul etdik və bu çoxşaxəli münasibətlər
kontekstində də özümüzü hüquqi biçim qazandıraraq VƏTƏNDAŞ adlandırdıq.
VƏTƏNDAŞ olmaq yaratdığımız DÖVLƏTin idarəçiliyində bu və ya digər formada
iştirak etmək deməkdir (ümumiyyətlə, bu idarəçilik aktiv və passiv olur. Yəni
birbaşa (aktiv) hakimiyyətdə və ya dolayısıyla (passiv) təmsil olunma).
Faktiki
olaraq, yaratdığmız DÖVLƏTin fəaliyyət göstərməsi üçün onun malik olduğu sələhiyyətlərin
realizə olunması, həyata keçirilməsi labüddür. Dövlətə verdiyimiz nəhəng müstəsna
səlahiyyətlərin məcmusunu DÖVLƏT HAKİMİYYƏTi adlandırırıq. Beləliklə, DÖVLƏTə
verdiyimiz nəhəng səlahiyyətlərin həvaləsini yəni DÖVLƏT
HAKİMİYYƏTini öz sıralarımızdan seçdiyimiz ayrı-ayrı VƏTƏNDAŞlara müəyyən bir
müddətə həvalə edirik. DÖVLƏT HAKİMİYYƏTi həvalə etdiyimiz şəxs DÖVLƏTin bu və
ya digər səlahiyyətlərinə sahiblənərək yeni bir DÖVLƏT XİDMƏTÇİsi (DÖVLƏTin işlərini
görən, onun adından danışan, onu təmsil edən və ya (MƏMUR) deyirik) statusu
qazanır. Qeyd edim ki, DÖVLƏT XİDMƏTÇİSİ işini BİRGƏ RAZILAŞMA və Ana Qanun
(Konstitusiya) əsasında fəaliyyətini qurur və bu göstərilən çərçivədən kənara
çıxması qadağandır.
HAKİMİYYƏTin
mahiyyəti və xüsusiyyətləri. Biz HAKİMİYYƏTi müstəsna səlahiyyətlərin kimlərəsə
həvalə edilməsi kimi nəzərdə tuturuq. Bu müstəsna səlahiyyətləri iki cür
quruplaşdırdığımızdan, yəni Mən, Sən, Ona - bütün cəmiyyət üzvlərinə məxsus
olan TAM müstəsna səlahiyyət (SUVERENLİK) və BİRGƏ RAZILAŞMA (QANUNLAR) çərçivəsində
fəaliyyət göstərməsi üçün qurduğumuz DÖVLƏTə verdiyimiz MƏHDUD müstəsna sələhiyyətə
görə HAKİMİYYƏTİ aşağıdakı kimi təsnif edirik:
1. Mən, Sən,
Onun (cəmiyyət üzvlərinin) TAM suverenliyə əsaslanan BİRGƏ RAZILAŞMA
HAKİMİYYƏTİ;
2. BİRGƏ
RAZILAŞMA (QANUNLAR) çərçivəsində qurduğumuz DÖVLƏTə verdiyimiz MƏHDUD müstəsna
sələhiyyətlərə əsaslanan DÖVLƏT HAKİMİYYƏTİ.
DÖVLƏTdən
asılı olmayan BİRGƏ RAZILAŞMA HAKİMİYYƏTİnə də
BİRGƏ RAZILAŞMAnın müddəalarına zidd fəaliyyət göstərmək qadağandır. Bu
hakimiyyət qüvvələrini aşağıdakılar təşkil edir:
1.1. VƏTƏNDAŞ BİRLİKLƏRİ. Bu birliklər VƏTƏNDAŞLAR tərəfindən BİRGƏ
RAZILAŞMA (QANUNLAR) əsasında yaradılır və fəaliyyətni qurur. Hökumətdə
təmsil olunan bütün DÖVLƏT XİDMƏTÇİlərinin (vəzifəli şəxslərin) fəaliyyətinə
müvafiq qaydalar çərçivəsində nəzarət edir. Bu birliklərin əsas işi həm də ondan ibarətdir ki,
insanların (fərdlərin), vətəndaşların BİRGƏ RAZILAŞMA (QANUNLAR) ilə qorunan təməl
hüquq və azadlıqları, haqları pozularsa, dərhal məsələni gündəmə gətirib ƏDALƏT
HAKİMİYYƏTİ qarşısına çıxarsın və pozuntuya yol vermiş DÖVLƏT XİDMƏTÇİSİnin cəzalandırlmasını
təmin etsin. VƏTƏNDAŞ BİRLİKLƏRİnin qanuni fəaliyyətinə DÖVLƏT HAKİMİYYƏTİnin
müdaxiləsi qadağandır və məsuliyyətə səbəb olur.
Hər
bir vətəndaş digər vətəndaşlarla azad və müstəqil şəkildə birləşib VƏTƏNDAŞ
BİRLİKLƏRİ yarada bilər. İstənilən birliyə BİRGƏ RAZILAŞMAnın müddəalarına zidd
fəaliyyət göstərmək qadağandır və cəzası qaçılmazdır.
1.2. AZAD MƏTBUAT. DÖVLƏT HAKİMİYYƏTİnin istənilən
qolunun AZAD MƏTBUATa müdaxiləsi qadağandır. AZAD MƏTBUAT o deməkdir ki,
istənilən bir cəmiyyət üzvünün (Mən, Sən və Onun) BİRGƏ RAZILAŞMA (QANUNLAR)
ilə təsbitlənmiş hüquq və azadlıqları tapdalanarsa, mütləq mətbuat tərəfindən
işıqlandırılmalıdır. Mətubat əlçatan olmalı, hər kəsin müraciəti üçün açıq
olmalıdır. Yəni biz bir-birimizin təməl haqları pozulduğu zaman dərhal xəbər
tutmaq imkanına malik olmalı və bunu yerindəcə aradan qaldırmaq üçün tədbir
görməliyik (AZAD MƏTBUATın fəlaiyyəti barədə sonrakı yazılarda bəhs ediləcək).
2. DÖVLƏT
HAKİMİYYƏTİ. Məhşur
bir deyim var ki, “hakimiyyət insanı dəyişir, mütləq hakimiyyət isə mütləq dəyişir”.
Buna görə, Mənə, Sənə, Ona, yəni cəmiyyətə qarşı yönəlməsin deyə DÖVLƏT HAKİMİYYƏTini
DÖVLƏTə məxsus nəhəng səlahiyyətlərin bir əldə cəmləşməməsi (əks halda
sui-istifadə qaçılmazdır) üçün bir-birindən asılı olmayan və bir-birinin fəaliyyətinə
ciddi nəzarət edə bilən qollara ayırmaq zəruridir. Beləliklə, DÖVLƏT
HAKİMİYYƏTİnin aşağıdakı qollara ayrılmasının vacib olduğunu müəyyən edirik.
2.1. QANUNVERİCİ HAKİMİYYYƏT. Bu hakimiyyətin başlıca funksiyası
BİRGƏ RAZILAŞMAnın müddəaları əsasında Mən, Sən və Onun, yəni cəmiyyət
üzvlərinin daha da xoşbəxt, rahat yaşamalarını təmin etmək məqsədilə
qanunvericilik bazası yaratmaq, normativ hüquqi aktlar qəbul etməkdən
ibarətdir. QANUNVERİCİ Hakimiyyətə BİRGƏ RAZILAŞMAnın müddəaları (onun
tələbləri ilə) ilə zidd olan qanunlar (normativ hüquqi aktlar və s.) qəbul
etmək qadağandır.
Bu hakimiyyətin
(nümayəndələrinin) digər hakimiyyət qollarının işinə müdaxilə etməsi
yolverilməzdir.
DÖVLƏT HAKİMİYYƏTinin bu növünün
tərkibi VƏTƏNDAŞlar arasından sərbəst, azad və gizli seçki yolu ilə seçilmiş
nümayəndələrdən – VƏTƏNDAŞ TƏMSİLÇİLƏRindən ibarət olur.
2. İCRAEDİCİ HAKİMİYYƏT. DÖVLƏT
Hakimiyyətinin bu qolu qəbul edilmiş qanunlar əsasında öz fəaliyyətini qurur.
Yəni BİRGƏ RAZILAŞMAnın müddəaları ilə zidd olmayan qanunlar üzrə fəaliyyətini
qurur və digər hakimiyyət qollarının işinə qarışmır. Bu hakimiyyətin
rəhbərliyinə VƏTƏNDAŞLAR arasından namizədlər gizli, sərbəst və azad seçki yolu
ilə müəyyən limitli müddətə (məs; 5 il) seçilir və 2 dəfədən artıq seçilməsi
qadağandır.
3. ƏDALƏT HAKİMİYYƏTİ son dərəcə həssas DÖVLƏT hakimiyyəti qoludur. Bu
hakimiyyət növünə BİRGƏ RAZILAŞMA, QANUNLARIın fəlsəfəsini dərindən anlayan təcrübəli
Vətəndaşlar arasından namizədlər gizli, sərbəst və azad seçki yolu ilə seçilirlər.
ƏDALƏT HAKİMİYYƏTİ cəmiyyətdə BİRGƏ RAZILAŞMAnın (QANUNLAR) müddəalarının
doğru-düzgün həyata keçirilməsini təmin etməyə borcludur.
DÖVLƏT HAKİMİYYƏTİnin istənilən qolunun
nümayəndəsi BİRGƏ RAZILAŞMAnın (QANUNLARı) pozarsa, bu barədə AZAD MƏTBUATda
məlumat yayılarsa, yaxud VƏTƏNDAŞ BİRLİKLƏRİ, eləcə də MÜXALİFƏT tərəfindən
məsələ gündəmə gətirilərsə, dərhal həmin DÖVLƏT XİDMƏTÇİSİ işdən
kənarlaşdırılmaqla barəsində xidməti araşdırmaya başlanılır. Yalnız xidməti
araşdırmanın nəticəsinə uyğun olaraq vəzifəsində qalıb qalmaması məsələsi həll
olunur. Əgər cinayəti təsdiqlənərsə, ağır şəkildə cəzalandırlır. Yox ona böhtan
atılmışsa, böhtan atan ağır formada cəzalandırılır.
Comments
Post a Comment