14. BİRGƏ RAZILAŞMA VƏ AİLƏ MODELİ (İNSTİTUTU)
14. BİRGƏ RAZILAŞMA VƏ AİLƏ MODELİ (İNSTİTUTU)
AİLƏ cəmiyyətin kiçik bir modelidir. Başqa cür desək,
AİLƏ Mən, Sən və Ondan ibarət balaca bir “cəmiyyət”dir. Bizim “böyük” cəmiyyətdə
mövcud olan, yaranmış dəyərlərin, yazılmamış qaydaların əsasları da istəsək də,
istəməsək də məhz oradan qaynaqlanır (proyeksiyalanır).
Məlum olduğu kimi, müxtəlif AİLƏ modellərinin
formalaşması uzun əsrlərin çoxtərəfli təsirləri ilə intişar tapmışdır və davam
etməkdədir. Formalaşma prosesində müxtəlif dönəmlərdə AİLƏ modeli ilə bağlı adət-ənənələr,
mentalitet (milli vərdişlər, adətlər), tabular zaman-zaman bir-birini əvəzləmişdir,
yaxud biri digərinə transformasiya olunmuşdur. Nəhəyət, müasir dövrümüzdə
dünyada çeşidli AİLƏ modelləri ortalığa çıxmışdır. Ölkəmizdə dominatlıq təşkil
edən AİLƏ modeli Şərq (xüsuslə, müsəlman) aləminin ciddi təsirindən kənarda
qala bilməmiş, eyni zamanda, özünəməxsus cizgiləri ilə çulğalaşmış biçimdə
indiki forması ilə təzahür etmişdir.
Etibarlı mənbələrdən olan xalq deyimlərinin (atalar
sözləri və məsəllərin) bəzilərini yığcam təhlili nəzər salsaq hazırda məmləkətimizdəki
mövcud AİLƏ modelinin mahiyyətini (forma və məzmununu) anlayıb səciyyələndirə
bilməyimizə köməklik edər. Bu xalq deyimləri (atalar sözləri, məsəllər) sanki
ailədəki fərdlərin qarşılıqlı münasibətlər sisteminin normativlərini müəyyən edən
yazılmamış qaydaları olaraq biçimlənmişdir.
Beləliklə, bu səpkidə olan bir sıra xalq deyimlərinə diqqət yetirək:
“Kişi evin ağasıdır!”, “Evdə kişinin sözü ötkəm
olar”, “Kişinin dediyi qanundur”, “Kişi belə deyirsə, belə də olmalıdır”,
“Kişiynən kişilik eləmək olmaz”, “Kişinin bir sözü iki olmaz”, “Kişi deyir,
getmə, getmə”, “Kişiyə olar, qadına yox”, “Arvadsan arvad işinlə məşğul ol”, “Sən
kişi işinə qarışma”, “Arvadsan əlin xamırlı kişi işinə qarışma”, “Arvad kişinin
namusudur”, “Ər evi, gor evi”, “O, oğlan uşağıdır, ona olar”, “Sən qız
uşağısan, sənə olmaz”, “Uşaqsan, uşaq qələtini elə”, “Böyük danışan yerdə uşaq
danışmaz”, “Sən uşaqsan, mumla”, “Böyük səni söysə də olar, sən böyüyə söz
qaytarma”, “Kişi söyər də, sevər də”, “Adam böyüyə əl qaldırmaz”, “Adam böyüyə
cavab qaytarmaz”, “Adam böyüyün sözünə qulaq asar”, “Allahsız yerdə otur,
böyüksüz yerdə yox” və s. (özünüz də yaradıcı olub əlavələr edə bilərsiz).
Məncə, hər biri əslində bir normativ müddəaya bərabar
tutula biləcək yuxarıdakı xalq deyimlərinin bu qədəri kifayət edir ki, məmləkərtimizdə hansı AİLƏ modelinin dominantlıq təşkil
etdiyini təssəvvürümüzdə canlandıraq. Xalq deyimlərindən, ya da yazılmamış qaydalardan, hökmlərdən AİLƏ
modelimizin aşağıdakı başlıca cəhətlərini, prinsiplərini ayırd edə bilirik:
1. Kişi AİLƏdə üstün, dominant, tabe edən fərddir
(başqa cür desək Kişi AİLƏdə mütləq hakimdir).
2. Qadın AİLƏdə Kişiyə tabe fərddir.
3. Uşaqlar AİLƏdə qeyri-müstəqil fərdlərdir.
4. Oğlan uşaqları qızlara görə üstün
statusdadırlar.
5. Qızlar ən qeyr-müstəqil fərdlərdir (bəzən özlərinə
də ixtiyarları çatmayır).
Aydın şəkildə müəyyən olunan belə prinsiplərə,
qaydalara söykənilərək, idarə olunan AİLƏ modelini AZAD, LİBERAL, DEMOKRATİK və
s. model kimi xarakterizə edə bilərikmi?! Əlbəttə, xeyr! Bu modelin mahiyyətindən
doğan bəlli adı var, Patriarxal-Avtoritar AİLƏ modeli. Həmin AİLƏ modelində
“Kişi evin ağası olur”, “Kişinin sözü qanun olur”, “Kişi söyür də, sevir də”,
“Kişiylə kişilik etmək olmaz” və s.
Xəbər alan yoxdur ki, xeyir ola niyə kişi AİLƏdə
tabe edən fərd olmalıdır? Qadın niyə AİLƏdə tabe olan fərd olmalıdır? Uşaqlar
niyə AİLƏdə qeyri-müstəqil olmalıdırlar? Qızlar niyə AİLƏdə ən qeyri-müstəqil fərdlər
olmalıdırlar? Bax bu tipli sorğulayıcı sualları, başqalarına demirəm, özümüzə
vermək belə ağlımıza gəlməyibsə, deməli, dəhşətli “Meymun sindromu”ndan əziyyət
çəkənlərdənik, xəbərimiz yoxdur.
Haşiyəyə çıxıb bu sindromu izah edək. Cəmiyyətdə əksər
istənilən müxtəlif kollektiv formalarında kortəbii davranışlar müəyyən bir dönəm
içində vərdişlərə, uzun müddət davam edəndə adətlərə, daha sonra isə ən pis
halda tabulara çevrilir və belə olduğu təqdirdə yeni nəsə dəyişiklik təşəbbüsündə
bulunan fərd acımadan asilikdə ittiham edilərək çıxdaş olunur. Toplum isə geriləyir,
ən yaxşı halda yerində saymaqla kifayətlənir
(növbəti BİRGƏ RAZILAŞMA və VƏTƏNDAŞ BİRLİKLƏRİ yazısında bu barədə ətraflı
yazacağıq). Bunun səbəbi cəmiyyətdə istənilən kollektiv formalarında kortəbii
davranılşlarla müşayət olunan “Meymun
sindromu”dur.
Bu sindromu üzə çıxaran alimlər belə bir təcrübə
aparıblar. Bir qəfəsə
beş meymun salırlar. Qəfəsin ortasına təpəsinə banan salxımları asılmış
(meymunlar dırmaşıb götürə bilsin deyə) bir nərdivan yerləşdirirlər. Meymunlardan biri bananı götürmək üçün nərdivana
dırmaşmaq istəyəndə təqdiqatçılar qəfəsin yuxarısına əvvəlcədən yerləşdirilmiş
su borusu süzgəncindən bütün meymunların üzərinə 5 dəqiqə müddətinə soyuq su səpirlər.
Digər meymunlar da nərdivana qalxmağa cəhd edərkən soyuq su səpilməsi təkrarlanır.
Meymunlar tamam islanırlar. Bir müddətdən sonra meymunlardan hansısa biri nərdivana
yaxınlaşarkən digərləri qışqıraraq hücum
edib onu nərdivana dırmaşmağa qoymayıb döyürlər.
Beləliklə, alimlər soyuq su
səpməyi dayandırsalar da meymunlar artıq banan üçün nərdivana dırmaşmağa cəhd
etmirlər. Təcrübə davam etdirilir, qəfəsdəki meymunlardan birini çıxarıb yerinə
yenisini, deyək ki, A meynununu salırlar. Təzə gələn meymunun (A-nın) ilk hərəkəti
bananları götürmək üçün nərdivana tərəf getmək olur. Elə bu zaman əvvəlki 4 meymun (islananlar) təzə gələn A-nın üzərinə
hücum edərək onu döyürlər. Təzə meymun (A)
öyrənir ki, nərdivana çıxmaq olmaz. Sonra əvvəlki 4 meymundan birini də yenisi
B ilə əvəz edirlər. Yeni meymun B də öz
növbəsində nərdivana yaxınlaşmaq istəyərkən digər meymunlar tərəfindən hücüma məruz
qalır, döyülür. Hətta (soyuq su üzərinə səpilməmiş) A meymunu da B-ni daha çox döyür.
B meymunu da artıq öyrənir ki, nərdivana dırmaşmaq olmaz. Digər əvvəlki
meymunlarının hamısını sıra ilə yeniləri - C, D, E ilə əvəz edirlər. Nəticədə,
baxmayaraq ki, yeni gələn meymunların heç birinin üzərinə soyuq su səpilməyim və
ümumiyyətlə suyun səpilməsi dayandırılıb, lakin onların heç biri bananları
götürmək üçün yaxınlaşıb, nərdivana dırmaşmayırlar.
Meymunlardan soruşsaq ki,
niyə belə edirlər (davranırlar)? Yəqin ki, deyəcəkdilər ki, “Dədəd-babadan belə
görmüşük, belə də edirik”. Buradan çıxan əsas nəticə odur ki, Mən, Sən və O, yəni
biz cəmiyyət üzvləri adətləşmiş, daşlaşmış davranış modellərimiz üzərində
düşünməli, nə üçün məhz bu cür davranmağımızı sorğulamalı və əgər bizə zərər gətirirsə,
onları kor-korənə təkrarlamaq yerinə yeniləri ilə əvəzləməyə çalışmalıyıq.
Bu baxımdan, BİRGƏ RAZILAMA
Konsepsiyası müstəvisində AİLƏ modelinə nəzər salaq.
Məlum olduğu kimi, “BİRGƏ RAZILAŞMAnın əsas müddəalarını, tezislərini
aşağıdakı kimi qəbul etmişdik:
1. Mən,
Sən və O (yəni insan) ən ali varlıqıq.
2. Mənim
(hər bir insann, fərdin) azadlığım (müstəqilliyim) ən ali dəyərdir. Mənim
azadlığım məni xoşbəxt edə biləcək başlıca alınmaz dəyərimdir.
3. Mən
(hər bir insan, fərd) doğulduğum andan etibarən azad yaşamaq, azad olmaq, xoşbəxt
olmağa can atmaq kimi alınmaz ali haqlara malikəm. Mənim (insanın) azadlığımı
(haqlarımı) heç kəs və heç nə məhdudlaşdıra bilməz.
4. Mənim
azadlığım yalnız və yalınız Sənin və Onun hüquqları, haqları başlayan yerdə
bitir.
5. Mən,
Sən və Onun birliyi suverendır (müstəsna səlahiyyətlidir). Suveren müstəsna səlahiyyətləri
olmaq deməkdir. Bu suverenlik, müstəsna səlahiyyət bizə yuxardakı müddəaları nəzərə
alaraq istədiyiimiz kimi fəliyyət göstərməyimizin zəminidir. Həmin müstəsna səlahiyyətimizin
az və ya çox hissəsini hansısa bir hüquqi şəxs (məs.: dövlət) yaradıb ona verə
bilərik.
6. Qəbul
etdiyimiz bu BİRGƏ RAZILAŞMAnın bütün müddəaları alidir və Mən, Sən, O, yəni hər
birimiz şəksiz əməl etməliyik. Əməl etməyənlər cəzalandırılmalıdır.
7. BİRGƏ
RAZILAŞMAya əməl edilməsinə hamı nəzarət edir. Bu razılaşma yalnız və yalnız Mənim,
Sənin və Onun (hər bir nəfərin) razılığı ilə dəyişdirilə bilər” (bax: https://birgeraz.blogspot.com/2020/06/birg-razilasma-mn-sn-v-o.html).
Məhz bu təməl tezislər əsasında
bizim BİRGƏ RAZILAŞMA AİLƏ modelinin özülünü aşağıdakı təməl müddəalar təşkil
edir.
Beləliklə, BİRGƏ RAZILAŞMA AİLƏ
MODELİnin təməl prinsipləri:
1. AİLƏnin hər bir üzvü İNSAN
(FƏRD) kimliyinə malik olduğundan BİRGƏ RAZILAŞMAnın bütün müddəaları hər bir
AİLƏ fərdinə şamil olunur;
2. Kişi AİLƏdə bərabərhüquqlu fərddir.
3. Qadın AİLƏdə bərabərhüquqlu fərddir.
4. Uşaqlar AİLƏdə bərabərhüquqlu
(cinsiyyətindən asılı olmayaraq) fərdlərdir.
Bu prinsiplərə ilk növbədə BİRGƏ
RAZILAŞMAnı yaradanlar (eyni zamanda tərəfdarları)
Mən, Sən, O, yəni hər birimiz şüurlu surətdə şəksiz əməl etməliyik. Həmin prinsiplərdən
irəli gələn tələblər üzrə davaranışlarımızı tədricən formalaşdırmalı, yeni
rasionallığa söykənən yaşam tərzinə uyğun AİLƏ modelini düzənləməliyik. BİRGƏ
RAZILAŞMAnın yuxarıdakı AİLƏ MODELİ prinsiplərini pozan kəs BİRGƏ RAZILAŞMAnın
təməl tezislərinə qarşı çıxmış hesab olunur, ona görə də mütləq cəzalandırlmalıdır.
Ramin Allahverdi
Comments
Post a Comment