24. BİRGƏ RAZILAŞMA VƏ FƏRD (İNSAN)
24. BİRGƏ RAZILAŞMA VƏ FƏRD (İNSAN)
BİRGƏ RAZILAŞMA KONSEPSİYASInın təməlində birbaşa olaraq
FƏRDin (İNSANın) XOŞBƏXT YAŞAMAQ haqqı dayanır (çünki hər kəs XOŞBƏXT olmaq istəyir).
Şübhəsiz, əgər FƏRD (İNSAN) olmasaydı BİRGƏ RAZILAŞMA KONSEPSİYASIna ehtiyac da
yaranmazdı. BİRGƏ RAZILAŞMA KONSEPSİYASI məhz FƏRDin XOŞBƏXT yaşamaq haqqının ən
ali səviyyədə təmin edilməsi məqsədilə meydana gəlmişdir.
Məlumunuz olsun ki, FƏRD yalnız və yalnız bir halda
XOŞBƏXT ola bilir – AZAD olanda (bax: AZADLIQ nədir? https://birgeraz.blogspot.com/2020/06/15-birg-razilsama-v-azadliq.html).
Çünki AZAD FƏRD onu XOŞBƏXT edə biləcək hər bir işi
görmək imkanına sahiblənir (təbii ki, başqalarının hüquq və azadlıqlarını
tapdalamadan). Belə bir XÖŞBƏXTLİYİ isə FƏRDə ancaq və ancaq BİRGƏ RAZILAŞMA
KONSEPSİYASI verə bilir. Çünki bu konsepsiya istisnasız olaraq, heç bir
ayrı-seçkilik qoymadan bütün FƏRDLƏR üçün keçərlidir. Həmin konsepsiyaya görə,
Mən, Sən və Onun, yəni hər bir FƏRDin İNSAN (olması) KİMLİYİ bütün digər
kimliklərdən birmənalı şəkildə üstündür.
Aydındır ki, FƏRD tam AZAD olarsa, istədiyini etməkdə
sərbəst qalar, bu isə başqa bir FƏRDin hüquq və azadlıqları (maraqları) ilə
ziddiyət təşkil edə bildiyindən toqquşmaların baş verməsi qaçılmaz olur. Məhz
buna görə, toqquşmasız, dinc şəraitdə, sülh içində XOŞBƏXT yaşamaqdan ötrü hər
bir FƏRD öz AZADLIĞının müəyyən bir hissəsinin könülü olaraq qarşılıqlı şəkildə
məhdudlaşdırlmasına razılaşır və (əvəzində) belə bir vəziyyətdə FƏRDin AZADLIQ haqqını tənzimləyən Ali bir
razılaşma kimi BİRGƏ RAZILAŞMA
KONSEPSİYASInın meydana çıxması labüdləşir (bax: https://birgeraz.blogspot.com/2020/06/birg-razilasma-mn-sn-v-o.html).
Burada iki mühüm məsələni aydınlaşdıraq:
1. FƏRDin XOŞBƏXT yaşamaq haqqı nədir və buna necə
nail ola bilər?
2. BİRGƏ RAZILAŞMA KONSEPSİYASIna görə FƏRDin
KİMLİYİni səciyyələndirən xüsusiyyətlər necə olur?
1. FƏRDin (İNSANın) XOŞBƏXT yaşaması artıq yuxarıda
da qeyd etdiyim kimi, onun AZAD olmasından mütləq şəkildə asılıdır. Əlbəttə, bu AZADLIQ elə bir ölçüdə olmalıdır
ki, digər FƏRDlərin hüquq və azadlıqlarını pozmamış olsun. Bunun əslində sadə
bir ölçmə meyarı var: -özünə rəva bilmədiyini, başqasına rəva görmə.
Obrazlı desək, hər bir FƏRD özü ayrıca bir dünyadır və hərəsinin də fərqli istəkləri,
arzuları, diləkləri, maraqları var. Məsələn, Fatmanisə islam dininə iman gətirib
bəlli ibadət rituallarını (namaz və s.) yerinə yetirdikdə özünü XOŞBƏXT hiss
edir. İvan xristian dininə iman gətirib bəlli ibadət ayinlərini icra edərkən
özünü XOŞBƏXT hiss edir. Malik təyyarərəçi olub təyyarəni idarə edəndə özünü
XOŞBƏXT hiss edir. Tükəzban həkim olub xəstələrə şəfa verəndə özünü XOŞBƏXT
hiss edir. Əli çoxlu pul qazananda özünü XOŞBƏXT hiss edir və s. Nümunələri
sonsuz sayda uzada bilərik. Cəmiyyətdə maraq dairələri uyğun olan FƏRDlər tədricən
həmin maraq ətrafında təbii olaraq birləşirlər və dinc şəraitdə XOŞBƏXT yaşamaq
üçün dil tapırlar. Lakin cəmyyətdə həm də maraq dairələri (arzu, istəkləri və
s.) bir-birinə uyğun gəlməyən, hətta bəzi hallarda daban-dabana ziddiyyət təşkil
edən FƏRDlər də yaşayırlar ki, bu da müxtəlif FƏRD və ya qruplar arasında
toqquşmaları qaçılmaz edir. Bunun başlıca səbəbi odur ki, FƏRD (lər) ən ali
varlıq kimi öz İNSAN KİMLİYİnin fərqinə varmadan digər KİMLİKlərdən (dini
kimlik – müsəlman, xristian və s, etnik kimlik – türk, yəhudi və s.) özünü
aşağı səviyyədə görür, yəni başqa kimliyini (məsələn, dini kimliyini, etnik
kimliyini və s.) İNSAN (FƏRD) KİMLİYİndən yuxarı statusa qoyur. FƏRDin
(İNSANın) əsl faciəsi də elə budur. Çünki FƏRD özü İNSAN KİMLİYİni arxa plana
atırsa, təbii ki, onun başqaları tərəfindən (qrup və s) aşağılanacağı
qaçılmazlaşır.
2. Bəs görək BİRGƏ RAZILAŞMA KONSEPSİYASI FƏRDi necə
səciyyələndirir?
Məlum olduğu kimi, həmin konsepsiya FƏRDin
(İNSANın) XOŞBƏXT yaşamaq haqqı əsasında meydana gəlib və müddəalarında aydın
formada bunu bəyan edir:
1. Mən
(yəni insan, fərd olaraq) ən ali varlığam.
2. Mənim
(hər bir insanın, fərdin) azadlığım (müstəqilliyim) ən ali dəyərdir. Mənim
azadlığım məni xoşbəxt edə biləcək başlıca alınmaz dəyərimdir.
3. Mən
(hər bir insan, fərd) doğulduğum andan etibarən azad yaşamaq, azad olmaq, xoşbəxt
olmağa can atmaq kimi alınmaz ali haqlara malikəm. Mənim (insanın) azadlığımı
(haqlarımı) heç kəs və heç nə məhdudlaşdıra bilməz.
4. Mənim (bir
insanın, fərdin) azadlığım yalnız və yalınız Sənin və Onun (digər
insanların, fərdlərin) hüquqları, haqları başlayan yerdə bitir.
5. Mən,
Sən və Onun (insanların, fərdlərin) birliyi suverendır (müstəsna səlahiyyətlidir).
Suveren müstəsna səlahiyyətləri olmaq deməkdir. Bu suverenlik, müstəsna səlahiyyət
bizə yuxardakı müddəaları nəzərə alaraq istədiyiimiz kimi yaşamağımızın (fəliyyət
göstərməyimizin) zəminidir. Həmin müstəsna səlahiyyətimizin az və ya çox
hissəsini hansısa bir hüquqi şəxs (məs.: dövlət) yaradıb ona verə bilərik.
6. Qəbul
etdiyimiz bu BİRGƏ RAZILAŞMAnın bütün müddəaları alidir və Mən, Sən, O, yəni hər
birimiz şəksiz əməl etməliyik. Əməl etməyənlər Ali qanunlar;m;zla cəzalandırılmalıdır.
7. BİRGƏ
RAZILAŞMAya əməl edilməsinə hamı nəzarət edir. Bu razılaşma yalnız və yalnız Mənim,
Sənin və Onun (razılaşmanı qəbul edən hər bir fərdin) razılığı ilə dəyişdirilə
bilər.
(https://birgeraz.blogspot.com/2020/06/1-birg-razilasma-konsepsiyasi.html)
Belə olan təqdirdə,
BİRGƏ RAZILAŞMA KONSEPSİYASInın fəlsəfi qayəsinə görə FƏRDi (İNSANI) səciyyələndirən
başlıca keyfiyyətlər aşağıdakı kimi müəyyənləşir.
- Konsepsiyanın müddəalarına uyğun olaraq ən ali
varlıq olan və İNSAN KİMLİYİnin daşıyıcısı olan hər bir FƏRDin (Mən, Sən və
Onun) şəxsiyyəti (eləcə də şəxsi həyatı) toxunulmazdır və digər FƏRDin şəxsiyyətindən
üstün, yaxud aşağı tutula bilməz. Əlbəttə, bir şəxsin bilikləri, bacarıqları,
istedadı və s. başqasınınkından üstün, yaxud aşağı ola bilər, lakin bu heç bir
halda, hər hanısınınsa birinin şəxsiyyətinin üstün olub olmaması anlamına gələ
bilməz. Beləliklə, bir FƏRDin öz şəxsiyyətini, digərinin şəxsiyyətindən üstün və
ya aşağı tutması yolverilməzdir.
Buradan
hasil olur ki, hər bir normal FƏRD öz İNSAN kimliyini uca tutaraq özünə (şəxsiyyətinə)
hörmət etməyə borcludur və hər hansısa bir digər şəxsin şəxsiyyətini (istənilən
səbəbdən) özünün şəxsiyyətindən üstün, yaxud aşağı tuta bilməz, əgər bu, baş
verərsə, həmin FƏRD mənəvi deqradasiyaya uğramış olur və təbii ki, BİRGƏ
RAZILAŞMA KONSEPSİYASI tərəfindən kənara atılır. FƏRD dərk etməlidr ki, özünə
(şəxsiyyətinə) hörmət etməyən şəxsə başqalarının hörmət etməsi müşkül məsələdir.
Deməli, FƏRD ilk növbədə malik olduğu İNSANi KİMLİYİnə,
başqa cür desək, özünə (şəxsiyyətinə) hörmət etməlidir. Özünün İNSAN KİMLİYİni
dərk edərək uca tutan FƏRD anlayar ki, istənilən səbəbdən asılı olmayaraq digər
hər hansı bir FƏRDin şəxsiyyəti onun şəxsiyyətindən üstün ola bilməz. Buna görə
də öz şəxsiyyətinə hörmət edən FƏRD başqa bir FƏRDin şəxsiyyətini öz şəxsiyyətindən
üstün tutaraq ona pərəstişlik etməz. Yəni öz İNSANi KİMLİYİNİ dərk edən və şəxsiyyətinə
hörmət edən FƏRD yaltaq ola bilməz. Əlbəttə, başqa FƏRDin nümunəvi keyfiyyətlərini
təqdir edə bilər, sevə, bəyənə bilər, lakin öz şəxsiyyətini alçaldaraq
yaltaqlıq edə bilməz.
Öz İNSAN KİMLİYİnə hörmət səviyyəsini yoxlamaq üçün
FƏRD özünü sorğulamalıdır və özünə dürüst bir şəkildə cavablar verməlidir. Bir sıra sadə suallara diqqət yetirək: Məsələn,
Biz özümüzə, yoxsa başqalarına verdiyimiz sözü daha çox yerinə yetirməyə
çalışırıq?
Təbii ki, digərlərinin yanında etibarsız görünməyək
deyə, başqalarına verdiyimiz sözü daha çox yerinə yetirməyə çalışırıq. Çox
zaman özümüzə verdiyimiz sözü isə yerinə yetirməyə o qədər də səy göstərməyirik.
Bu isə əslində özümüzə olan hörmətimizi sarsıdır, özümüzün gözümüzdə küçümsəməyimizə
gətirib çıxara bilir. Buna görə də, FƏRD ilk növbədə özünə hörmət etməyi belə
sadə görünən, əslində isə fundamental məqamları
özündə ehtiva edən mətləblərdən başlaya bilər.
- Bildirdiyimiz kimi, KONSEPSİYAnın fəlsəfəsinə
uyğun olaraq, FƏRDİN şəxsi, özəl həyatı toxunulmazdır. Bu o deməkdir ki, hər hansısa bir FƏRdin şəxsi həyatının Mən, Sən
və Ona, yəni hər bir cəmiyyət üzvünə heç bir dəxli yoxdur. Yalnız və yalnız bizim
hüquq və azadlıqlarımıza toxunan məqamlar olarsa, onda bu, ümumi (ictimai) məsələ
kimi qiymətləndirilir, bizim hər
birimizin həyatına birbaşa və ya dolayısı ilə mənfi təsir göstərdiyindən həmin FƏRD
dərhal qanun tərəfindən cəzalandırılır.
Bəzi sadə nümunələrlə fikrimizi aydınlaşdıraq:
- Məsələn, Tutaq ki, Leyla adlı bir FƏRD öz çılpaq
şəkillərini internetdə yerləşdirib (paylaşıb). Bu onun şəxsi işidir. Çünki onun
bu hərəkətinin bizə heç bir mənfi təsiri yoxdur, hətta biz internetdə onu
axtarışa verməsək heç o şəkilləri görməyə də bilərik. Ona görə də bunun Mənə, Sənə
və Ona heç bir dəxli yoxdur. Maraqlananlar istəsə, əlbəttə, Leylanın həmin
çılpaq şəkillərini internetdə axtararaq tapıb baxa bilərlər, maraqlanmayanlar
isə yox. Lakin həmin Leyla marşurut dayanacağında gəlib çılpaqlanarsa, bu artıq
həm də Mən, Sən və Onun azadlıqlarını, hüquqlarını pozur. Belə ki, artıq həmin
marşurut dayanacağı həm də Mənə, Sənə, Ona məxsus olduğundan və bizim ümumi
(ictimai) qəbul olunmuş dünyagörüşümüzə görə ictimai yerlərdə lüt, çılpaq
görünmək məqbul sayılmadığndan Leylanın bu hərəkəti məsuliyyətə cəlb olunmasına
səbəbdir.
- Tutaq ki, Aygün adlı FƏRD kiminləsə (kimlərləsə),
qarşılıqlı razılıq əsasında intim həyat yaşayır. Bu onun şəxsi işidir, Mənə, Sənə
və Ona heç bir dəxli yoxdur. Əgər həmin Aygün Məni (Sən və ya Onu) onunla intim
münasibətdə olmağa zorla təhrik edirsə, bu artıq ümumi (ictimai) məsələ
olduğundan dərhal ciddi şəkildə cəzalandırılmalıdır
- Tutaq ki, Tolya adlı FƏRD cinsi azlıq nümayəndəsidir,
yaxud da öz cinsini dəyişib olub LGBT və özünə uyğun bir tayını tapıb onunla
intim həyatı yaşayır. Əlbəttə, bu onun şəxsi işidir, Mənə, Sənə və Ona heç bir
dəxli yoxdur. Əgər həmin Tolya Məni (Sən və ya Onu) onunla intim münasibətdə
olmağa zorla təhrik edirsə, bu artıq ümumi (ictimai) məsələ olduğundan dərhal
ciddi şəkildə cəzalandırılmalıdır
- Tutaq ki, Saşa dinini dəyişib müsəlman olursa,
Əhməd isə dinin dəyişib xristian olursa, bu onların hər ikisinin şəxsi işləridir,
Mənə, Sənə və Ona heç bir dəxli yoxdur. Əgər həmin Saşa Məni (Sən və ya Onu)
müsəlman olmağa, yaxud da Əhməd Məni (Səni və ya Onu) xrisitan olmağa təhrik
edirsə, məcbur edirsə, bu artıq ümüumi (ictimai) məsələ olduğundan dərhal ciddi
şəkildə cəzalandırılmalıdırlar və s. Belə nümunələrin sayını artıra bilərik.
Beləliklə,
BİRGƏ RAZILAŞMA KONSEPSİYASINA görə, FƏRD (İNSAN) KİMLİYİ özündə digər bütün
kimlikləri ehtiva edə bildiyindən bütün kimliklərdən birbaşa üstün statusdadır.
Yəni sadə şəkildə desək, FƏRD (İNSAN) KİMLİYİ DİNİ KİMLİKdən (müsəlman,
xristian, buddist və s.) üstündür, FƏRD (İNSAN) KİMLİYİ ETNİK KİMLİKdən
(ingilis, türk, alman və s.) üstündür, FƏRD (İNSAN) KİMLİYİ REGİONAL KİMLİKdən
(Bakılı, Şəkili və s.) üstündür və s. Qeyd edim ki, FƏRD (İNSAN) KİMLİYİ müəyyən
anlamda VƏTƏNDAŞ KİMLİYİ ilə bərabərləşsə də onu da öz daxilinə alır (bax: https://birgeraz.blogspot.com/2020/06/7-birg-razilasma-v-vtndasliq-institutu.html).
Ramin
Allahverdi
Comments
Post a Comment