31. BİRGƏ RAZILAŞMA VƏ İCRAEDİCİ HAKİMİYYƏT
31. BİRGƏ RAZILAŞMA VƏ İCRAEDİCİ HAKİMİYYƏT
“BİRGƏ RAZILAŞAMA VƏ HAKİMİYYƏT” adlı yazıda HAKİMİYYƏTin
mahiyyəti və onun zərurətdən yaranan bölgüsü haqqında yazmışdım (HAKİMİYYƏT nədir?
bax: https://birgeraz.blogspot.com/2020/06/6-birg-razilasma-v-hakimiyyt.html;
həmçinin, QANUNVERİCİ HAKİMİYYƏT nədir? (bax: https://birgeraz.blogspot.com/2020/06/12-birg-razilasma-v-qanunverici.html
); eləcə də, ƏDALƏT (MƏHKƏMƏ) HAKİMİYYƏTİ nədir? (bax: https://birgeraz.blogspot.com/2020/06/10-birg-razilasma-v-dalt-mhkm-hakimiyyti.html)).
Hazırkı yazıda isə BİRGƏ RAZILAŞMA KONSEPSİYASIna görə İCRAEDİCİ HAKİMİYYƏT necə
olmaldır sualına cavab veririrk. İCRAEDİCİ HAKIMIYYƏT BİRGƏ RAZILAŞMA başda
olmaqla onun əsasında qəbul edilən ALİ MÜQAVİLƏ – KONSTİTUSİYA (bax: https://birgeraz.blogspot.com/2021/07/27-birg-razilasma-v-ali-muqavil.html)
və bütün QANUNLARı, normativ hüquqi aktları rəhbər tutaraq öz fəaliyyətini müəyyən
edilmiş səlahiyyətləri çərçivəsində həyata keçirən bir HAKİMİYYƏT qoludur.
İCRAEDİCİ HAKIMIYYƏTin səlahiyyətləri, fəaliyyəti
elə bir çərçivəyə salınmalıdır ki, istəsə belə, digər hakimiyyət qollarının
işinə müdaxilə edə bilməsin (burun soxması mümkünsüz olsun). Bunun üçün İCRAEDİCİ
HAKIMIYYƏT BİRGƏ RAZILAŞMAnın tələblərinə uyğun hazırlanmış QANUNLARla müvafiq labirintlərə
(bəlli fəaliyyət çərçivələrinə) salınmalıdır. Məsələn; Konkret müddət üçün
hakimiyyəti təmsil etməli, müəyyən edilmiş müddət başa çatdıqdan sonra birmənalı
şəkildə hakimiyyəti təhvil verməlidir. ƏDALƏT (MƏHKƏMƏ) HAKİMİYYƏTİ nümayəndələri
ƏDALƏT KEŞİKÇİləri (hakimlər) ömürlük seçilməli, QANUNVERİCİ HAKİMİYYƏT tərəfindən
təsdiq edilməlidir. Həmçinin İCRAEDİCİ HAKIMIYYƏTi
təmsil edən hökumətin formalaşmasında QANUNVERİCİ HAKİMİYYƏT birbaşa iştirak
etməlidir və s.
İCRAEDİCİ HAKIMIYYƏTin yeganə legitim QÜVVƏT aparatı
olan DÖVLƏTin GÜC resurslarına birbaşa rəhbərlik etdiyinə görə, ölkənin, BİRGƏ
RAZILAŞMA KONSEPSİYASIna uyğun yaşayan cəmiyyətin xarici və daxili təhlükəsizlik
məsələlərində də ilk növbədə cavabdehlik daşıyır. Xarici təhlükəsizliyi təmin
etmək üçün peşəkar ORDU formalaşdırılmalıdır (bax: ORDU necə olmalıdır? https://birgeraz.blogspot.com/2020/12/20-birg-razilasma-v-ordu.html
). Daxili təhlükəsizlik isə müvafiq qurumlar (polis və s.) tərəfindən ilk növbədə
BİRGƏ RAZILAŞMA, ALİ MÜQAVİLƏ - KONSTİTUSİYA və digər QANUNların tələblərinə
uyğun biçimdə həyata keçirilməlidir. Xüsusilə, bu həssas istiqamətlər üzrə İCRAEDİCİ
HAKIMIYYƏTin bütün fəaliyyəti ciddi ictimai nəzarətdə olmalı, daimi olaraq cəmiyyət
üzvləri tərəfindən izlənilməlidir. Qanunsuzluğa yol verən DÖVLƏT XİDMƏTÇİləri dərhal
müvafiq şəkildə cəzalandırılmalıdır, yeri gələrsə, İCRAEDİCİ HAKIMIYYƏTi təmsil
edən HÖKUMƏT isə istefaya göndərilməklə rədd edilməli və yenisi
formalaşdırılmalıdır.
Ramin Allahverdi
Comments
Post a Comment